«Психологиялық қолдау орталығы» психологтарының ұйымдастыруымен 17 сәуір күні №66 МЛ базасында «Қауіпсіз балалық шақ: қамқор ата-ана» тақырыбында семинар-тренинг өтті. Іс-шараға жоғары сынып оқушыларының 80 ата-анасы қатысты.
Семинар барысында психолог мамандар ата-аналармен баланың жас ерекшелігіне сай даму жолдары, отбасындағы тәрбиенің рөлі және қауіпсіз орта қалыптастырудың тәсілдері туралы талқылады. Семинар соңында қатысушы ата-аналарға ақпараттық материалдар мен қызықтыратын сұрақтар бойынша ұсыныстар берілді. Қатысушылар шараның пайдалылығын атап өтіп, алдағы уақытта да жалғасын табатынына сенім білдірді.