17 сәуір күні №6 гимназияның 9-11 сынып оқушыларының ата-аналары үшін ПҚО психологтары семинар-тренинг өткізді. Тақырып – «Қауіпсіз балалық шақ: қамқор ата-ана».
25 ата-ана және 3 психолог қатысқан бұл кездесуде психологтар балалардың психоэмоциялық дамуы мен отбасындағы сенімді қарым-қатынастың маңызын ашып көрсетті. Топтық жұмыс және жаттығулар арқылы ата-аналар отбасындағы қарым-қатынасты тиімді құру тәжірибесін алды. Балалардың киберқауіпсіздігі, буллинг және басқа да маңызды мәселелер кеңінен қарастырылды. Қатысушылар семинардан ерекше әсер алып, осындай пайдалы кездесулердің жиі өтуін тіледі.