«Психология апталығы» аясында, 20 желтоқсан күні ПҚО ұйымдастыруымен №99 орта мектеп базасында Елордалық балабақша психологтарына арналған «Шабыттандыру және көмектесу: балалар психологтары үшін жаңа көкжиектер» атты семинар-практикум өткізді.
Семинарды алғысөзбен «ПҚО» басшысының орынбасары М.Б. Ибрагим және Әдістемелік орталықтың мектепке дейінгі тәрбие және оқыту бөлімінің басшысы Р.Г. Амирхамзина ашты.
Семинар барысында ПҚО психологтары Орталықтың жұмысымен таныстырып, балабақша педагог-психологтармен тренингтер өткізді.
Қатысушылар бұл семинарды өте маңызды және қажетті деп бағалап, ПҚО психологтарына алғыстарын білдірді.