6 желтоқсан күні «Психологиялық қолдау орталығының» психологтары №103 орта мектеп базасында «Есіл» ауданы педагог-психологтарына «Кибербуллингпен күресу» атты шеберлік сабағын ұйымдастырды. Сабаққа 6 сыныптардан 45 оқушы, 9 педагог-психолог қатысты.
Бұл сабақта қатысушылар кибербуллинг түрлері, оның алдын алу жолдары және зардап шеккендерге психологиялық қолдау көрсету туралы ақпарат алды.
Шеберлік сыныбында оқушылар топтарға бөлініп, кибербуллинг жағдайларын, себептері мен салдарын талқылады. Іс-шараға қатысушылар кибербуллинг және жәбірленушіге қолдау көрсету жолдары туралы білімдерін кеңейтті.