2025 жылдың 10 маусымында Астана қаласының «Психологиялық қолдау орталығының» мәжіліс залында «Есіл» ауданының мектептері мен колледждерінің әлеуметтік педагогтарына арнап «Кәмелетке толмағандар арасындағы құқықбұзушылықтардың алдын алу, сондай-ақ оларды қорғаншылыққа және қамқоршылыққа алу саласындағы ведомствоаралық өзара іс-қимыл: заманауи тәсілдер мен тәжірибе» тақырыбында дөңгелек үстел өтті.
ПҚО және «Есіл» ауданы бойынша әлеуметтік сүйемелдеу бөлімінің ұйымдастыруымен өткен іс-шараға білім беру ұйымдарының, мемлекеттік құрылымдардың, ҮЕҰ мен ювеналды полицияның өкілдерінен құралған 50 маман қатысты.
Қатысушылар қиын өмірлік жағдайдағы отбасыларды ерте анықтау, жетім балаларды ертіп жүру, жасөспірімдер қылмысының алдын алу және тәуелді мінез-құлық мәселелерін талқылады. Тәжірибеден кейстер айтылып, тиімді сүйемелдеу құралдары ұсынылды.
Дөңгелек үстел тәжірибе алмасу және ҚӨЖ отбасыларымен ведомствоаралық өзара іс-қимыл жұмысын күшейту бойынша практикалық ұсынымдар әзірлеу алаңына айналды.